ليه تمرين الرجل متعب

1-الرجل بتكون شايلة وزن الجسم يومياً🦵

وده النشاط العادى بالنسبالهة علشان كده لما تحب تمرنها لحد الفشل العضلى ده هيحتاج منك اوزان عالية🏋️ مش هتشيل زيها فى اى عضلة ثانية غير الرجل ،مما يترتب عليه مجهود اكبر

2- لأن الرجل عضلات كثيرة و كبيرة

ف بتحتاج دم كتير فى التمرين مما يضع حمل على القلب ولكن حمل مفيد لتقوية عضلات القلب

3-كتير من تمارين الرجل هى تمارين مركبة (بتشغل اكتر من عضلة فى نفس الوقت)

اى ان يوم تمرين الرجل هو تمرين للجسم كامل

4-حمض اللاكتيك

تجمع حمض اللاكتيك فى اى تمرين هو شئ طبيعى لاكن فى العضلات الكبيرة التجمع بيكون اكبر وده كافى يحسسك بالتعب اسرع من اى مجموعة عضلية صغيرة

5-العامل النفسى

له دور فى احساسك بالتعب بسرعة، وخوفك منه يزيدصعوبته ،تمرين عضلات الرجل فعلا مرهق لاكن لو اعتبرته تحدى وحاولت تشيل خوفك منه ده هيقلل من صعوبة التمرين

6-قلة التركيز

عضلات الرجل بتحتاج دم و أكسجين كتير و المخ 🧠

كمان بيحتاجهم فالدم المتدفق للدماغ بيقل هو و تركيزك فى التمرين وده بدوره يفقدك عامل مهم جداً وهو ال mind-muscle connection وده بيفقدك التركيز و الاداء السليم

7-انك تفوت تمرين الرجل

زى اى عضلة عن عدم استخدمها فأن ادائها و قوتها يقلان مما يجعل التمرين اصعب فى كل مرة

ازاى نخليه اسهل

1-تحميل الكربوهيدرات🍚

زى ما قولنا تمرين الرجل بيحتاج طاقة كتير علشان كده من المفيد استخدام الكربوهيدرات كمصدر طويل الامد للطاقة

2-تدريج احمال الايام

زى ما قولنا احد العوامل الى بتخلى من تمرين الرجل صعب و مرهق هو تجمع حمض اللاكتيك علشان كده من المفيد عدم تمرين مجموعة عضلية كبيرة قبلها بيوم او متتمرنش من الاساس

3-متفوتش تمرين الرجل

لأنه زى ما قولنا كل ما تجاهلت تمرين الرجل كل ما بقت اضعف فزاد التمرين صعوبة

تمرين الرجل احد اهم التمارين للحفاظ على توازن الجسم وصحة القلب فبلاش تفوت تمرين الرجل ولكن ممكن تستخدم النصائح السابقة للتقليل من صعوبة التمرين، واجمد شوية علشان ده احد اكتر التمارين الى هتحفظلك على صحتك